iPhone users have trouble logging into WhatsApp Web
වට්ස්ඇප් වෙබ් සඳහා පිවිසීමේ දී ගැටලු මතුවනවා යැයි විදෙස් මාධ්ය වාර්තා කරනවා. එහි වැඩිම බලපෑම එල්ල වී ඇත්තේ, අයිෆෝන් (iPhone) පරිශීලකයන් වෙත බවයි සඳහන් වන්නේ. මෙම ගැටළු සම්බන්ධයෙන් මේ වනවිට Downdetector වෙබ් අඩවිය වෙත පැමිණිලි ද ලැබී ඇති බව එම මාධ්ය වාර්තාවේ සඳහන්. කෙසේ නමුත්, ඇන්ඩ්රොයිඩ් (Android) පරිශීලකයින් බොහෝ දෙනෙකුට සේවාව සාමාන්ය පරිදි ක්රියාත්මක වන බවටයි එම මාධ්ය වාර්තා සඳහන් කරන්නේ.
ජපාන පාර්ලිමේන්තුව විසුරුවා හැරේ
හදිසි මහ මැතිවරණයක් පැවැත්වීම සඳහා ජපාන පාර්ලිමේන්තුව විසුරුවා හැරීමට ජපාන අග්රාමාත්ය සනයි තකයිචි පියවර ගෙන තිබේ. ඒ අනුව එළඹෙන පෙබරවාරි 8 වනදා ජපාන පාර්ලිමේන්තු මැතිවරණය පැවැත්වීමට නියමිත බව විදෙස් මාධ්ය වාර්තා කරයි. පසුගිය වසරේ ඔක්තෝබර් මාසයේදී ජපානයේ පළමු කාන්තා අග්රාමාත්යවරිය ලෙස ධූරයට පත් වූ සනයි තකයිචි ධූරයට පැමිණ මාස තුනක් වැනි කෙටි කාලයක් තුළ පාර්ලිමේන්තුව විසුරුවා හැරීම මෙලෙස කටයුතු කෙරිණි
ට්රම්ප්ගේ බදු පැනවීමක් හකුළාගෙන
ග්රීන්ලන්තය අත්පත් කර ගැනීමේ සිය අභිලාෂයට එරෙහි වූ යුරෝපා ජාතීන්ට එරෙහිව පැනවීමට නියමිතව තිබූ තීරුබදු සැලසුම අත්හිටුවීමට ඇමරිකානු ජනාධිපති ඩොනල්ඩ් ට්රම්ප් තීරණය කර තිබෙනවා. නේටෝ මහලේකම් මාර්ක් රූට් සමඟ පැවැත්වූ ඵලදායී සාකච්ඡාවකින් අනතුරුව ඔහු මේ බව නිවේදනය කළා. ජනාධිපති ට්රම්ප් සිය ‘Truth’ සමාජ මාධ්ය ගිණුමේ සටහනක් තබමින් ප්රකාශ කළේ නේටෝ මහලේකම්වරයා සමඟ පැවති හමුව ඉතා සාර්ථක වූ බවයි. එහිදී ග්රීන්ලන්තය සහ සමස්ත ආක්ටික් කලාපයේ අනාගතය පිළිබඳ විශේෂ සැලසුමක් සකස් කළ බවත්, ඒ අනුව එළැඹෙන පෙබරවාරි 01 වැනිදා සිට පැනවීමට තිබූ 10%ක නව තීරුබද්ද ක්රියාත්මක නොවන බවත් ඔහු තහවුරු කළා. තීරුබදු ඉවත් කළද, ‘ගෝල්ඩන් ඩෝම්’ මිසයිල ආරක්ෂක පද්ධතිය සම්බන්ධයෙන් අතිරේක සාකච්ඡා තවදුරටත් අඛණ්ඩව සිදුවන බව ජනාධිපතිවරයා වැඩිදුරටත් සඳහන් කර තිබෙනවා. මීට පෙර ඩාවෝස් හි පැවති ලෝක ආර්ථික සංසඳයේදී ද ජනාධිපති ට්රම්ප් අවධාරණය කළේ ග්රීන්ලන්ත භූමියේ අයිතිය සුරක්ෂිත කර ගැනීමට තමාට අවශ්ය බවයි. කෙසේ වෙතත්, ඒ සඳහා හමුදා බලය භාවිත කිරීමට තමා අදහස් නොකරන බව ඔහු එහිදී පවසා තිබුණා.