තායිලන්ත නිදහස් උළෙල විජයන්ති එදිරිසිංහ මහත්මියගේ ප්රදානත්වයෙන්..
2026 පෙබරවාරි මස 04 වන දින 78 වන නිදහස් සැමරුම් උලෙල තායිලන්තයේදී තායිලන්ත ශ්රී ලංකා තානාපතිනී හා නිත්ය නියෝජිත වරිය වන ගරු.විජයන්ති එදිරිසිංහ මහත්මියගේ ප්රදානත්වයෙන් පැවැත්විනි.. මේ සදහා එරට පදිංචි ශ්රී ලාංකිකයින් රැසක් සහභාගී වී තිබු බව දක්නට ලැබිනි.ශ්රී ලංකා තායිලන්ත තානාතිපතිනි විජයන්ති එදිරිසිංහ මහත්මිය ශ්රි ලංකා ප්රජාතන්ත්රික සමාජවාදී ජනරජයේ ජනාධිපති අනුර කුමාර දිසානායක මහතාගේ නිල නිදහස් දින ප්රකාශය ඉදිරිපත් කෙරිණි..
ඔස්කාර් ඉතිහාසය අලුත් කළ ‘Sinners’ : නිර්දේශ 16ක් ලබාගනිමින් ටයිටැනික් වාර්තාවත් බිඳ දමයි
ලෝක සිනමාවේ අති උත්කර්ෂවත්ම සම්මාන උළෙල ලෙස සැලකෙන ඔස්කාර් (Oscars) සම්මාන ඉතිහාසයේ වැඩිම නිර්දේශ සංඛ්යාවක් ලබාගත් චිත්රපටය ලෙස නව ලෝක වාර්තාවක් තැබීමට ‘Sinners’ චිත්රපටය සමත්ව තිබෙනවා. හොල්මන් සහ ක්රියාදාම (Horror/Action) ගණයේ චිත්රපටයක් වන මෙය, මෙවර සම්මාන උළෙල සඳහා අංශ 16ක් යටතේ නිර්දේශ ලබා තිබීම විශේෂත්වයක්. මීට පෙර ඔස්කාර් ඉතිහාසයේ වැඩිම නිර්දේශ සංඛ්යාවක් (නිර්දේශ 14 බැගින්) ලබාගෙන සම වාර්තාවක් තබා තිබූ සුප්රකට චිත්රපට ත්රිත්වයක් වන, Titanic (1997), All About Eve (1950), La La Land (2016) පසුකර යාමට ‘Sinners’ සමත්ව තිබෙනවා.
“අපි කොහෙවත් ගියේ නැහැ.රමේෂ්
පසුගිය කාලසීමාවේ දේශපාලනික වශයෙන් අනුගමනය කළ නිහඬතාව බිඳ දමමින්, ශ්රී ලංකා පොදුජන පෙරමුණ (පොහොට්ටුව) නැවත ශක්තිමත් ලෙස දේශපාලන කරළියට පිවිසෙන බව හිටපු අමාත්ය රමේෂ් පතිරණ මහතා පවසනවා. ‘සිලින්ඩරය’ සන්ධානයට එක්වූයේදැයි මාධ්යවේදියෙකු නැගූ ප්රශ්නයකට පිළිතුරු දෙමින් ඔහු සඳහන් කළේ, එය ස්වාධීන කණ්ඩායමක් ලෙස මැතිවරණ සමයේදී පමණක් ක්රියාත්මක වූවක් බවයි. සිලින්ඩර පක්ෂයට සහයෝගය දැක්වූ බව පැවසූ රමේෂ් පතිරණ මහතා “එතන කාටවත් කියලා එන්න දෙයක් දැන් නැහැ. මොකද එතන දැන් කවුරුත් නැහැ” යනුවෙන් සඳහන් කළා. එමෙන්ම නව රජය පත්වීමෙන් පසු ඔවුන්ගේ ගමන් මග නිරීක්ෂණය කරමින් තමන් නිහඬව සිටි බව ඔහු පවසනවා. “අපි කොහෙවත් ගියේ නැහැ. මේක අපේ මහගෙදර. පසුගිය අවුරුද්දේ අපි නිහඬව හිටියේ අලුත් ආණ්ඩුව කොහෙද යන්නේ කියලා බලන් ඉන්නයි. හැබැයි දැන් වෙලා තියෙන්නේ ‘යන්නේ කොහෙද මල්ලේ පොල්’ වගේ වැඩක්. ඒ නිසා අපි දැන් අපේ දේශපාලන කටයුතු නැවත ආරම්භ කරනවා.” පසුගිය මැතිවරණයේදී ශ්රී ලංකා පොදුජන පෙරමුණට වැඩිම ඡන්ද ප්රතිශතයක් ලැබුණු දිස්ත්රික්කය ගාල්ල බව සිහිපත් කළ රමේෂ් පතිරණ මහතා, ඉතා ශක්තිමත් පදනමකින් තම පක්ෂය නැවත ගොඩනැගිය හැකි බවට විශ්වාසය පළ කළා.